शहरातील फार्म हाऊसवर सुरू होता धक्कादायक प्रकार, पोलिसांनी धाड टाकताच…

पोलिसांच्या या धडाकेबाज कारवाईनंतर शहरात चांगलीच खळबळ उडाली.

0 7

हायलाइट्स:

  • यवतमाळ शहरातील प्रसिद्ध फार्म हाऊसवर पोलिसांचा छापा
  • जुगार खेळणाऱ्या १९ जणांना घेतलं ताब्यात
  • तब्बल ८१ लाखांचा मुद्देमाल जप्त

यवतमाळ : शहरातील प्रतिष्ठित ‘स्वरा फार्म’ हाऊसवर एसडीपीओ पथक तसंच स्थानिक गुन्हे शाखेने धाड टाकून ८१ लाखांचा मुद्देमाल जप्त केला. ही कारवाई शनिवारी रात्री भारी गावाजवळ करण्यात आली आहे. पोलिसांनी यवतमाळ आणि चंद्रपूर जिल्ह्यातील १९ जुगाऱ्यांना अटक केल्याने परिसरात खळबळ उडाली आहे.

भारी गावाजवळ असलेल्या प्रतिष्ठित स्वरा फार्महाउसमध्ये हायप्रोफाइल जुगार सुरू असल्याची टीप पोलिस अधीक्षक डॉ. दिलीप भुजबळ पाटील यांना मिळाली. त्यावरून त्यांनी उपविभागीय पोलिस अधिकारी माधुरी बाविस्कर यांच्यासह स्थानिक गुन्हे शाखेच्या पथकाला धाड टाकण्याचे आदेश दिले. पोलिसांच्या धाड टाकताच जुगार खेळ सुरू असल्याचे समोर आलं.

यावेळी गब्बर मोतेखान पठाण (४२) रा. रामनगर, यवतमाळ, आशीष शत्रुघ्न मडावी (३३) रा.बेवाडा जि.चंद्रपूर, विनोद कवडू जिवतोडे (४०) रा. वणी, मोहमद अफझल ईसराल अहमद सिद्दीकी (२८) रा.इंदिरानगर, ता.घुग्गुस, हाफीज खलील रेहमान (५२) रा.गुरुनगर वणी, मोवीन शेख (३०) रा. घुग्गुस, जगदीश गुरुचरण पाटील (३७) रा.राजुरकॉलरी, सरफौदीन नन्ने शाह (५२) रा.राजुरा, शंकर नानाजी खैरे (२९) रा.महाकालीनगर,घुग्गुस, नीलेश बाबाराव झाडे (३४) रा.रामनगर, घुग्गुस, सुखदेव दत्तुजी दंदे (३७) रा. गिरीजानगर यवतमाळ, शंकर हनुमंत अत्राम (३४) रा.चुनाभट्टी, ता. राजुरा, अमीत यशवंत पाटील (३२) रा. रामपूर, ता. राजुर, नंदकुमार रामराव खापणे (२९) रा.कोलगांव ता. मारेगाव, दीपक शरदराव धात्रक (३६) रा.बसस्टॅन्ड, यवतमाळ, राहुल संजय चित्तलवार (२०) रा. शिवनगर ता. घुग्गुस, निखील अरविंद कुडमेथे (२०) रा. शिवनगर ता.घुग्गुस, आकाश पृथ्वीराज तिवारी (३१) रा. बाजोरीयानगर यवतमाळ, रामेश्वर दत्ताजी व्यवहारे (४४) रा.रामकृष्णनगर, यवतमाळ हे जुगार खेळताना आढळून आले.

आरोपींविरुद्ध यवतमाळ शहर पोलिस ठाण्यात गुन्हा नोंद करून न्यायालयापुढे हजर करण्यात आले. जुगारींकडून १९ लाख २३ हजार रुपये रोख, एक लाख ३० हजार रुपये किमतीचे सात मोबाइल, ६० लाख ७० हजार रुपये किमतीची पाच चारचाकी वाहने, दोन दुचाकी, असा एकूण ८१ लाख २३ हजार रुपयांचा मुद्देमाल जप्त करण्यात आला.

ही कारवाई जिल्हा पोलिस दलाच्या इतिहासातील सर्वात मोठी कामगिरी मानली जात आहे. पोलिस अधीक्षक डॉ. भुजबळ यांनी विशेष पथकास २५ हजारांचे रोख बक्षीस व प्रशस्तीपत्र जाहीर केले. ही कारवाई पोलिस अधीक्षक डॉ. दिलीप पाटील भुजबळ यांच्या मार्गदर्शनात एसडीपीओ माधुरी बाविस्कर, सपोनि अमोल पुरी, सपोनि गजानन करेवाड, गजानन डोंगरे, विशाल भगत, सुमित पाळेकर, नीलेश राठोड, उल्हास कुरकटु, मोहमत भगतवाले आदींनी केली.

Leave A Reply

Your email address will not be published.