धोनीच्या चेन्नई सुपर किंग्जकडून ४५० ऑक्सिजन सिलिंडर्सचा पुरवठा

करोनाग्रस्त रूग्णांना होणार मोठी मदत

0 12

आयपीएलमधील महेंद्रसिंह धोनीच्या नेतृत्वातील चेन्नई सुपर किंग्ज संघाने (सीएसके) करोना संकटात तामिळनाडू सरकारसाठी मदतीचा हात पुढे केला आहे. सीएसकेने तामिळनाडू सरकारला ४५० ऑक्सिजन सिलिंडर दान केले आहेत. करोनाच्या दुसर्‍या लाटेदरम्यान सीएसकेचा संघ आधीपासून लोकांना मास्क घालण्यासाठी प्रेरित करत आहे. आयपीएल सुरू झाल्यापासून सीएसकेची टीम ही मोहीम राबवित आहे.

भूमिका ट्रस्ट ही करोना युगात मदत करणारी स्वयंसेवी संस्था आहे. या स्वयंसेवी संस्थेने हे ऑक्सिजन कॉन्सेन्ट्रेटर देण्यात मदत केली आहे. या सिलिंडर्सची पहिली खेप ग्रेटर चेन्नई कॉर्पोरेशनद्वारे संचालित असलेल्या सरकारी रुग्णालयात पोहोचेल, जिथे या सिलिंडर्सचा उपयोग करोनाग्रस्त रूग्णांवर उपचार करण्यासाठी केला जाईल.

चेन्नई सुपर किंग्जचे मुख्य कार्यकारी अधिकारी काशी विश्वनाथन म्हणाले, ”तामिळनाडू आणि चेन्नई येथील लोक सीएसकेचे आधारस्तंभ आहेत. या संकटाच्या वेळी करोनाविरूद्धच्या लढाईत आम्ही त्यांच्याबरोबर आहोत हे लोकांना कळले पाहिजे अशी आमची इच्छा आहे.” आरसीबीचा कर्णधार विराट कोहली आणि पत्नी अनुष्का शर्मा यांनीही मदतीसाठी २४ तासांच्या आत ३.८० कोटी रुपयांची देणगी जमा केली.

विराट आणि अनुष्काने उभारला निधी

विराट आणि अनुष्काने यापूर्वी करोनाविरूद्धच्या लढ्यात २ कोटी रुपये दान केले होते. या दोघांनी ७ कोटी रुपये जमा करण्याचे लक्ष्य ठेवले आहे. २४ तासांच्या आत त्यांनी अर्धे लक्ष्य गाठले. या देणगीची रक्कम एसीटी अनुदानांना दिली जाईल, जे वैद्यकीय साहित्य आणि ऑक्सिजन सिलिंडर प्रदान करण्यास मदत करेल.

 

Leave A Reply

Your email address will not be published.