क्रेडिट कार्डांची माहिती मिळवून फसवणूक

क्रेडिट कार्ड फसवणुक

0 13

क्रेडिट कार्डची गोपनीय माहिती मिळवून त्याद्वारे व्यवहार करून खासगी बँकेची ८० लाख रुपयांची फसवणूक केल्याचा प्रकार समोर आला आहे. विजय नाईकनवरे (वय ३९, रा. सिद्धार्थनगर, पुणे) यांनी या प्रकरणी फिर्याद दिली आहे. त्यावरून अज्ञात व्यक्‍तीवर गुन्हा दाखल करण्यात आला. नाईकनवरे खासगी बँकेमध्ये लोकेशन मॅनेजर या पदावर कार्यरत आहेत.

पाच जानेवारी रोजी अज्ञात व्यक्तीने फिर्यादीच्या बँकेच्या ग्राहकांच्या क्रेडिट कार्डांची गोपनीय माहिती बेकायदा पद्धतीने मिळवली. आरोपीने तो बँकेचा क्रेडिट कार्डधारक असल्याचे भासवून त्याद्वारे एकूण ८० हजार २९ रुपयांचे बेकायदा व्यवहार केले आणि फिर्यादीच्या बँकेची फसवणूक केली. कोरेगाव पार्क पोलिस ठाण्याच्या निरीक्षक वैशाली गलांडे पुढील तपास करीत आहेत.

 

Leave A Reply

Your email address will not be published.