धक्कादायक! 3 वर्षीय बालकाच्या पोटावर लोखंडी सळीने दिले चटके

अमरावतीमध्ये अंधश्रद्धेचा एक धक्कादायक प्रकार समोर आला आहे. ३ वर्षाच्या मुलाची प्रकृती खालावल्याने त्याला एका बाबाकडे नेऊन पोटावर डम्मा देण्याचा प्रकार उघडकीस आला आहे.

0 52

हायलाइट्स:

  • बालकांवर वैद्यकिय उपचाराऐवजी डम्मा देण्याचा प्रकार उघड
  • अमरावतीमधील धक्कादायक घटना
  • ३ वर्षीय कोवळ्या बालकास पोटावर चटके

अमरावती : अशिक्षितपणा व अंधश्रद्धेच्या विळख्यात जखडलेला अमरावती जिल्ह्यातील मेळघाटातील आदिवासी समाज निरागस बालकांवर वैद्यकिय उपचारा ऐवजी डम्मा (पोटावर लोखंडी सळाखी गरम करुन चटके देणे) सारखी अघोरी प्रथा कायम ठेवत असल्याचे दिसुन येत आहे. एका ३ वर्षीय कोवळ्या बालकास तांत्रीक, भुमका, ओझाने पोटावर असंख्य चटके (डागण्या) दिले गेल्याचा प्रकार समोर आला आहे.

सगळ्यात महत्त्वाचं म्हणजे प्रकृतीत काहीही सुधारणा झाली नसून चिमुकला जिल्हा शासकीय रुग्णालयाच्या अतिदक्षता विभागात मृत्यूशी झुंज देत आहे. चिखलदरा तालुक्यातील खटकाली येथील राजरत्न जामुनकर हा ३ वर्षीय बालक आठवडाभरापासुन आजारी होता.

परतवाडा परिसरात आईवडील कामानिमीत्ताने असताना साधारण आजाराने ग्रासले असता धामणगाव येथील खाजगी डॉक्टराकडे औषधोपचार केले. त्या उपचारास प्रतिसाद न मिळाल्याने प्रकृतीत काहीच फरक न पडता वाढल्याने भगतबाबाकडे नेलं.

या बाबाने कोवळ्या निरागस बालकाच्या पोटावर डम्मा देऊन पोटाची चाळणी केली. बालकावर जिल्हा रुग्णालयात अतिदक्षता विभागात उपचार सुरू असून त्यांची प्रकृती चिंताजनक आहे

Leave A Reply

Your email address will not be published.